Ei ny nasjonal ordning for reduksjon av foreldrebetalinga i barnehage vart innført frå 1. mai 2015. Den går ut på at ingen hushaldning skal betale meir enn 6 prosent av inntekta for ein barnehageplass. Hushaldningar som har ei samla brutto inntekt på 548 500 kroner og mindre, kan søke om reduksjon i foreldrebetalinga for barnehageplass. Barnet må ha heil plass i barnehage. Søskenmoderasjon vert rekna ut etter redusert sats jf. vedtak for det eldste barnet.

Ordninga er regulert i Forskrift om foreldrebetaling i barnehage, Det er kommunen som barnehagemynde som har ansvar for denne ordninga, men omfattar både kommunale og ikkje-kommunale barnehagar. Dei som har barnehageplass i private barnehagar sender søknad om reduksjon i foreldrebetalinga til kommunen. Det må sendast ny søknad for kvart barnehageår innan 15.juni, for å vere sikre at nytt vedtak er på plass før første faktura vert sendt ut for neste år. Søknad om redusert foreldrebetaling sendast til Vågsøy kommune, og avsendar får tilsendt vedtak for eit barnehageår om gongen. Ein kan elles søke om barnet starter i barnehagen midt i året og/eller om ein får redusert inntekt i løpet av vedtaksperioden.

Meir informasjon og søknadsskjema finn du vedlagt.

Ta kontakt dersom noko er uklart.